ကမ္ဘာလှည့်ခရီးသည် ၀င်ရောက်မှုများပြားလာသောကြောင့် ကြယ်ငါးပွင့်အဆင့်ရှိဟိုတယ်လိုအပ်ချက် မြင့်မားလျက်ရှိ

Jun 25 2014 No Comments

ယခုနှစ်အတွင်း ပြည်တွင်းသို့ နိုင်ငံခြားသားခရီးသည်ဝင်ရောက်မှုတိုးတက်များပြားလျက်ရှိရာ ရန်ကုန်မြို့သို့ လာရောက်လည်ပတ်မှုမှာ အများဆုံးဖြစ်ပြီး၊ ယင်းကဲ့သို့ နိုင်ငံခြားသားခရီးသည် ၀င်ရောက်ခြင်းများပြားလာမှုနှင့် အတူ ကြယ်ငါးပွင့်အဆင့်ရှိဟိုတယ်လိုအပ်ချက်မှာလည်း
ပိုမိုများပြားလာခဲ့ကြောင်း မြန်မာ့ခရီးသွားလုပ်ငန်းမှ တာဝန်ရှိသူတစ်ဦးကို ကိုးကား၍ မြ၀တီ နေ့စဉ်သတင်းစာကဇွန်လ ၂၃ ရက်နေ့တွင်ဖော်ပြခဲ့သည်။

ယခင်စာရင်းဇယားများအရရန်ကုန်မြို့အပြည်ပြည်ဆိုင်ရာလေဆိပ်သို့ ကမ္ဘာလှည့်ခရီးသည် ၀င်ရောက်မှုမှာ တစ်ရက်လျှင် ဦးရေ ၁၀၀၀ခန့်သာ ရှိခဲ့သော်လည်းယခုအခါတွင်မူ တစ်ရက်၃၀၀၀ ဦးရေနှင့်အထက် ၀င်ရောက်မှုရှိကြောင်း သိရသည်။ ယင်းသို့ ကမ္ဘာလှည့်ခရီးသည်ဝင်ရောက်မှု
များပြားလာသောကြောင့် ၎င်းတို့တည်းခိုရန်အတွက် ပြည်တွင်းရှိ ကြယ်ငါးပွင့်အဆင့်ရှိဟိုတယ်များ အလုံအလောက်မရှိကြောင်းသိရသည်။

ထိုအတွက်ကြောင့်လည်း နိုင်ငံခြားမှ ရင်းနှီးမြှုပ်နှံသူများက ကြယ်ငါးပွင့်နှင့် ကြယ်လေးပွင့် အဆင့်ရှိဟိုတယ်ကြီးများတည်ဆောက်ရန် စီမံကိန်းများနှင့် ဟိုတယ်ဒီဇိုင်းများကိုသက်ဆိုင်ရာ ၀န်ကြီးဌာနသို့ တင်ပြထားကြောင်းသိရသည်။

လက်ရှိရန်ကုန်မြို့တွင် ဟိုတယ်အလုံးရေ၂၅၁လုံးခန့်ရှိပြီး၊ အခန်းပေါင်း၁၂၀၀၀ခန့်ရှိသော်လည်း များပြားတိုးမြင့်လာနိုင်ဖွယ်ရှိသည့် ကမ္ဘာလှည့် ခရီးသည် ၀င်ရောက်မှုအတွက် အဆင့်မြင့်ဟိုတယ် အရေအတွက် နည်းပါးသေးကြောင်းသိရသည်။

Share this: